విధి లిఖితమైనది జీవితం

విధి లిఖితమైనది జీవితం
ఎన్ని మలుపులో
ఎన్ని మార్పులో

మార్చగలమనే భ్రమలో మనం
ఈ భ్రమ కూడా లిఖితమేనేమో

వెలుగు వ్యత్యాసాన్ని చూపుతుంది
చీకటి సమానత్వాన్ని నెర్పుతుంది
నేనున్నచోట అంతా ఒకటే అంటుంది

అంతరార్ధం తెలియని మనం
చీకటిని దూషిస్తాం, వెలుగును ఆశ్రయిస్తాం
ఎంత విచిత్రమైంది ఈ విధి

తెలివితేటలు ఉన్నవారిని సైతం
తికమక పెడుతుంది
క్షణికావేశాలకు లోను చేస్తుంది
అసలైన మిత్రులను శత్రువులనిపిస్తుంది
శత్రుసమూహాన్ని మిత్రులుగా కలుపుతుంది

ఇది నిమిత్తమాత్రం అని
లోకానికి తెలిసేదెప్పుడు ?
హహ్హ
విధి లిఖితం లో ఆ పుట లేదేమో !
తెలియాలని లిఖితమవలేదెమో !

-
Ven G Sharma