నిప్పుకు శుద్ది అవసరం లేదు
నీ ఆత్మ నిప్పు వంటిదైనప్పుడు
నీ మాటలు ఎకార్ధాలైనప్పుడు
నీ కళ్ళలో బెరుకు లేనప్పుడు
నీ భావం నిజమైనదైనప్పుడు
నీవే పరమాత్మ అంశవని
నీకర్ధమవుతుంది
నీవే మూల కారణమని
బోధపడుతుంది
ఆ ఈశ్వరుడు, భ్రహ్మ సైతం
నీవేనని తెలుస్తుంది
మంచి చెడు
నిమిత్తమాత్రులై మలిన పడిన
మానవ నిర్మితాలని తెలుస్తుంది
ఆరోజు నీ ఆత్మకు శుద్ది అవసరం ఉండదు
విధి లిఖితమైనది జీవితం
ఎన్ని మలుపులో
ఎన్ని మార్పులో
మార్చగలమనే భ్రమలో మనం
ఈ భ్రమ కూడా లిఖితమేనేమో
వెలుగు వ్యత్యాసాన్ని చూపుతుంది
చీకటి సమానత్వాన్ని నెర్పుతుంది
నేనున్నచోట అంతా ఒకటే అంటుంది
అంతరార్ధం తెలియని మనం
చీకటిని దూషిస్తాం, వెలుగును ఆశ్రయిస్తాం
ఎంత విచిత్రమైంది ఈ విధి
తెలివితేటలు ఉన్నవారిని సైతం
తికమక పెడుతుంది
క్షణికావేశాలకు లోను చేస్తుంది
అసలైన మిత్రులను శత్రువులనిపిస్తుంది
శత్రుసమూహాన్ని మిత్రులుగా కలుపుతుంది
ఇది నిమిత్తమాత్రం అని
లోకానికి తెలిసేదెప్పుడు ?
హహ్హ
విధి లిఖితం లో ఆ పుట లేదేమో !
తెలియాలని లిఖితమవలేదెమో !
-
Ven G Sharma
